Район уй-хирĕнче
Районти хуçалăхсенче уй-хир ĕçĕсем вăй илсех пыраççĕ. Сентябрĕн 7-мĕшĕ тĕлне илсен, тĕш тырă культурисене 8056 гектар (84 процент) вырнă. Ку енĕпе «Новый путь» хуçалăх уйрăмах ăнăçлă ĕçленĕ, 1133 гектар çинчи тырра пĕтĕмĕшпех пухса кĕртнĕ. Хресчен-фермер хуçалăхĕсем те, тĕпрен илсен, тырă вырассине вĕçленĕ.
Çĕр улми 192 гектар (36 процент) кăларнă. Ку енĕпе В.Журавлев, В.Узянов ертсе пыракан хресчен-фермер хуçалăхĕсем, «Чăваш Ен ял хуçалăх продукчĕсем» общество лайăх ĕçлеççĕ.
Кĕр тыррисене 2430 гектар (69 процент) акнă. «Новый путь», «Правда» хуçалăхсем, С.Волков ертсе пыракан хресчен-фермер хуçалăхĕ ĕçе уйрăмах лайăх йĕркеленĕ, çавна май тырра агротехника срокĕсенче акса хăварнă. Кĕрхи çĕртме сухи 1010 гектар тунă. Ку енĕпе «Новый путь», «Правда», «Алмаз» хуçалăхсем малта пыраççĕ.