Грипп - сывлăш урлă ерекен инфекци чирĕ. Ăна А, В, С типлă вируссем пуçараççĕ. Вăл чирлĕ çынран сывă çынна куçать. Вăхăтра вакцина туни çеç унран сыхланма май парать. Паянхи куна районти сиплев учрежденийĕнче ку енĕпе ĕçе лайăх йĕркеленĕ. Ноябрь уйăхĕн пуçламăшĕ тĕлне 1173 ачана тата 3000 çынна прививка тунă. 2015 çулта профилактика прививкисен наци календарĕпе килĕшÿллĕн районта 5870 çынна, вăл шутра 2570 ачана прививка тума палăртнă. Вăл шута чи малтанах асăннă чирпе чирлес хăрушлăх пуррисене кĕртнĕ. Кусем ача садне çÿрекен шăпăрлансем, шкулта пĕлÿ илекенсем, медицина, вĕренÿ тытăмĕнче ĕçлекенсем, транпорт, коммуналлă сферăсенче тăрăшакансем, 60 çултан иртнисем.