Çĕнĕ çулта кам парне кĕтмест-ха? Уйрăмах ачасем асамлă уяв каçĕнче Хĕл мучирен ĕмĕтри парнене илес тесе вĕренÿ çулĕ тăршшĕпех лайăххисен йышне лекме ăнтăлаççĕ, вĕренÿре çитĕнÿсем тунипе пĕрлех спортра та палăраççĕ, тĕрлĕ конкурссенче, олимпиадăсенче çĕнтереççĕ. Тăрăшни сая каймасть, çулсеренех чи пултаруллă вĕренекенсем Шупашкарта иртекен Чăваш Республикин Пуçлăхĕн Елкинче юрласа-ташласа савăнаççĕ. Кунсăр пуçне çулсеренех районти пĕр ача вара Мускавра Кремльте иртекен Тĕп Елкăна хутшăнать. Кăçал кун йышши парнене Элĕк вăтам шкулĕнче 5-мĕш класра вĕренекен Ольга Шорникова тивĕçнĕ. Хĕрача нумай ачаллă çемьере ÿсет, вĕренÿ учрежденинче иртекен тĕрлĕ мероприятире пултарулăхĕпе тыткăнлать, «Штрих-код» ташă ушкăнне çÿресе çитĕнÿсем тăвать.

Оля декабрĕн 26-мĕшĕнче Кремльте иртекен Тĕп Елка уявне хутшăнĕ. Раççейĕн тĕрлĕ кĕтесĕнчен килнĕ тантăшĕсемпе вăйă-конкурса хутшăнĕ, парнене тивĕçĕ.

Л. КУЗНЕЦОВА,

вĕренÿ пайĕн методисчĕ.