Декабрĕн 14-мĕшĕнче вырăнти вăхăтпа 12 сехетрен пуçласа 20 сехетчен граждансене йышăнмалли Пĕтĕм Раççейри кун иртнĕ. Ăна Раççей Федерацийĕн Конституци кунне халалланă.

Район администрацийĕнче граждансене район администрацийĕн пуçлăхĕ Александр Куликов тата район администрацийĕн пуçлăхĕн пĕрремĕш çумĕ Лидия Никитина, ял тăрăхĕсенче ял тăрăхĕсен пуçлăхĕсем йышăннă.

Элĕк районĕнче граждансене йышăнмалли Пĕтĕм Раççейри куна 39 çын хутшăннă. Çав шутран 21-шĕ йышăнура пулса, 18-шĕ çыхăну режимĕпе хурав илнĕ. Сăмахран, хресчен-фермер хуçалăхĕн пуçлăхĕ Сергей Волков видео-çыхăну мелĕпе автомобиль çулне тăвас ыйтупа Чăваш Республикинчи строительство, архитектура тата пурăнмалли çурт-йĕрпе коммуналлă хуçалăх министерствипе çыхăнса калаçнă.