Пĕр-пĕрин опычĕпе паллашма май парас, лайăххисене хавхалантарас тĕлĕшпе Чăваш Республикинчи ял тăрăхĕсен территорийĕнчи муниципалитетăн чи лайăх культура учрежденине палăртас тĕлĕшпе çулсеренех республика конкурсĕ иртет. Кăçал унта муниципалитетсен 37 культура учрежденийĕпе асăннă тытăмра ĕçлекен 24 çын хутшăннă.

Вĕсен ĕçне тĕрлĕ енлĕ хак панă хыççăн Элĕк районĕнчи Питĕшкасси ял тăрăхĕнчи культура çурчĕ «Муниципалитетăн чи лайăх культурăпа кану учрежденийĕ» номинацире çĕнтернĕ. Çавăн пекех асăннă Питĕшкасси ял библиотеки «Муниципалитетăн пурте усă куракан чи лайăх библиотеки» номинацире мала тухнă.