Кăçал Раççейре Кино çулталăкне тата Чăваш Енре Ĕç çыннин çулталăкне тĕпе хурса, çавăн пекех Театр кунне халалласа мартăн 29-мĕшĕнче Элĕкри культура çурчĕ çумĕнчи халăх театрĕ Геннадий Терентьевăн пьеси тăрăх лартнă «Юрату пулсассăн чĕрере» икĕ пайлă юрăллă-ташăллă комедипе сцена çине тухрĕ. Режиссерĕсем - Инна Афанасьева тата Сергей Иванов, сасă режиссерĕ - Алексей Якимов. Спектакльте тĕрлĕ тытăмра тăрăшакансем вылярĕç. Сакăр çынран тăракан ушкăн сăнарсене ăста калăпларĕ, залра ларакансем тăвăллăн алă çупни артистсене пушшех те хавхалантарчĕ. Элĕкри халăх театрĕ чăннипех те халăхшăн тăрăшать.