Элĕкри 1-мĕш номерлĕ ача садĕнче тăрăшакан кашни воспитательпе кĕçĕн воспитатель шкул çулне çитменнисене çивĕч ăс-тăнлă тăвассине тата вĕсен пултарулăхне тупса палăртса аталантарассине тĕпе хураççĕ. Шăпăрлансене районти конкурссене хутшăнтарнипе пĕрлех республикăра иртекен тĕрлĕ мероприятие явăçтараççĕ. Акă иртнĕ кунсенче «Смешарики» аслă ушкăнри Дина Афанасьевăпа (воспитателĕ А.А. Зайцева) кĕвĕ-çемĕпе туслаштаракан Елена Иванова педагогпа «Талантсен çĕршывĕ» республикăри 1-мĕш пултарулăх конкурсне хутшăнчĕç. Асăннă мероприяти Шупашкар хулинче Чăваш Ен культура министерстви йĕркеленипе вĕренÿ учрежденийĕсенче ăс пухакан вĕренекенсем тата ача сачĕсене çÿрекен шăпăрлансем хушшинче иртрĕ. Унта республикăн кашни районĕнчен тĕрлĕ çулсенчи ача-пăча йышлăн пухăннă.

Хăйсем шăрантаракан юрă-кĕвĕ шухăшне туллин уçса парса Дина Афанасьева 1-мĕш степеньлĕ лауреат пулса тăчĕ, кубока тивĕçрĕ.

Лариса СОКОЛОВА,

«Çăлкуç» ача сачĕн заведующийĕ.