Район территорийĕнче апрелĕн 11-мĕшĕнчен пуçласа май уйăхĕн 31-мĕшĕччен санитарипе экологи уйăхлăхĕ иртет. Ĕçе йĕркелесе пыма ятарлă комисси туса хунă. Унăн председателĕ - район администрацийĕн пуçлăхĕн пĕрремĕш çумĕ, экономика, ял хуçалăх, строительство тата обществăлла инфратытăм аталанăвĕн управленийĕн начальникĕ Лидия Никитина.

Уйăхлăх вăхăтĕнче кил-çурт таврашĕсене, обществăлла вырăнсене, çăвасене тасатассипе тĕрлĕ мероприяти иртĕ. Ял тăрăхĕсен пуçлăхĕсен халăха, шкул ачисене, учрежденисемпе организацисен коллективĕсене пархатарлă ĕçе явăçтарма тивет.