2016 çулхи апрелĕн 17-мĕшĕнче Чăваш Республикин вĕренÿ институтĕнче регионсен «Туслăх хĕлхемĕ» наци культурин фестивалĕн юлашки тапхăрĕ иртрĕ. Унăн программинче чăваш тата вырăс шкулĕнче вĕренекенсем валли чăваш чĕлхипе тата культурипе ирттерекен «Çăлтăрчăк» вăйă-конкурс пулчĕ. Асăннă мероприятие Вутлан шкулĕнче 9-мĕш класра вĕренекен Александра Афанасьева хутшăнчĕ (вĕрентекенĕ - Алиса Николаевна Львова). Чăваш шкулĕн программипе ĕçлекен шкулсенчен 2-мĕш вырăна тухрĕ. Наци фестивальне хутшăнакансен йышĕ çулсерен ÿссе пырать: район тапхăрĕнче çĕнтернĕ 57 ача икĕ номинацире хăйсен пултарулăхне кăтартрĕç. Унта вĕсем юрларĕç, ташларĕç, харпăр хăй сăввисене вуларĕç.

Алина АНДРЕЕВА,

Вутлан шкулĕн вĕрентекенĕ.