Çанталăк уяр та шăрăх тăнипе тырă уйĕсем саралсах пыраççĕ. Ылтăн пек тырра пухса кĕртме те вăхăт çитрĕ.

Июлĕн 20-мĕшĕнче «Алмаз» обществăра тата «Новый путь» хуçалăхра кĕрхи тулă вырма пуçланă. Уй-хирте тăватă комбайн çаврăмсем тăваççĕ. Пĕр кунрах 60 гектар çинчи тырра пухса кĕртнĕ, 150 тонна çапса тĕшĕленĕ, тухăç - 25 центнер.

Çывăх вăхăтрах вырмана ытти хуçалăхсем те тухĕç. Тинĕс евĕр хумханакан уйсенче ĕç шавĕ вăй илсех пырĕ. Кăçал çĕр ĕçченĕсен пĕрчĕллĕ тата пăрçа йышши культурăсене 10793 гектар çинчен пухса кĕртмелле.