Районта этнопарк валли экспонатсем пухассине хаçатăн малтанхи номерĕсенче пĕлтернĕччĕ ĕнтĕ. Авалхи историпе пуянлăха упраса хăварса çитĕнсе пыракан ăрăва паллаштарасси пирĕнтен хамăртан килет. Çавăнпа та кил-çуртра тыткаламалли авалхи япаласене, хресченсен ĕç хатĕрĕсене, тимĕрçĕ лаççинче усă курнă хатĕрсене тата ытти япаласене те этнографи паркĕн музейĕ валли кашниех килсе пама пултарать. Нумаях пулмасть-ха этнопарк лаша кÿлсе ĕçлемелли авалхи кĕреплепе, акмалли тата çулмалли хатĕрсемпе пуянланчĕ. Шупашкарти трактор историйĕн музейĕн директорĕ Альберт Сергеев пулăшнипе кил хуçалăхĕнче кирлĕ 19-мĕш ĕмĕрти хатĕрсене юсаса çĕнетнĕ.