Ял хуçалăх предприятийĕсенче тата хресчен-фермер хуçалăхĕсенче ял хуçалăх техникисене упрас, машина-трактор паркĕсенче йĕрке тăвас, пăхса тăма пурлăх базине вăйлатас, юсав ĕçĕсене ирттерес, мĕнпур техникăна ГОСТа пăхăнса упранине тĕрĕслес тĕллевпе ял хуçалăх предприятийĕсемпе хресчен-фермер хуçалăхĕсенче техникăна чи лайăх упракансен смотр-конкурсне ирттерме палăртрăмăр.

Паянхи кун хуçалăхсенче кĕрхи уй-хир ĕçĕсем вĕçленмен-ха. Ял хуçалăх предприятийĕсемпе хресчен-фермер хуçалăхĕсенчен хăшĕ-пĕри техникăна хĕл каçарма упрассипе тимлеме пуçланă та ĕнтĕ. Районта техникăна хĕл каçарма вырнаçтарса лартас енĕпе «Правда», «Алмаз», «Новый путь», Ульянов ячĕллĕ хуçалăхсем уйрăмах лайăх ĕçлени курăнчĕ. Вĕсен йывăр техникисем витнĕ ангара кĕрсе те ларнă ĕнтĕ.