Январĕн 25-мĕшĕнче район администрацийĕнче РФ Федераци Пухăвĕн Федераци Канашĕн членĕ, Федераци Канашĕн çут çанталăкпа усă курассин тата аграрипе суту-илÿ политикин Комитечĕн членĕ Вадим Николаев граждансене харпăр хăй ыйтăвĕсемпе йышăнчĕ.

Вĕсене уйрăмах Элĕк салинче бассейн тăвасси, ял хуçалăх таварĕсене туса илекенсене субсиди уйăрасси, район территорийĕнче çул-йĕр строительствине аталантарасси интереслентерчĕ. Çавăн пекех ялсенче пурăнакансене районти инфратытăм аталанăвĕн ытти ыйтăвĕсем те кăсăклантарчĕç.