Çурхи призыв тапхăрĕн иккĕмĕш уйăхĕ вĕçленет. Медицина тĕрĕслевĕ витĕр тухнă, çирĕп сывлăхлă çамрăксем салтак атти тăхăнаççĕ. Иртнĕ тапхăрта районтан 10 каччă çар ретне тăма ĕлкĕрнĕ те ĕнтĕ. Вĕсенчен 5-шĕ майăн 16-мĕнче Раççей Федерацийĕн Наци гвардине ăсаннă. Кунта пĕр-пĕр специальноçа алла илнĕ, сывлăх енчен пĕр кăлтăк та çук, судпа айăпланман яш-кĕрĕме çеç илеççĕ. Майăн 22-мĕшĕнче вара çамрăксен тепĕр ушкăнĕ çĕршыва сыхлама ăсанчĕ. Мăн Ямашри Василий Никитинпа Шураçри Сергей Николаев, Мăн Шĕвĕшри Сергей Бушуев салтак аттине тăхăнчĕç. Майăн 29-мĕшĕнче вара Хитекушкăнĕнчи Федор Никитин Тинĕс флочĕн çарне ăсанĕ.