Июнĕн 6-мĕшĕнче Раççейре Пушкин кунне паллă турĕç. Ăна паллă вырăс çыравçине Александр Сергеевич Пушкина халалланă. Çак кун Юнтапа шкулĕнче те тĕрлĕ мероприяти иртнĕ. Лагерьти ачасем викторинăна хастар хутшăннă, паллă çыравçăн юмахĕсем тăрăх брейн-ринг ирттернĕ. Унтан вара хĕрачасемпе арçын ачасем А. Пушкинăн сăввисем тăрăх чи лайăх вулакана тупса палăртнă. Конкурсра Юлия Павлова, Петр Кузьмин, Оксана Кузьмина, Дарья Волкова маттур пулнă. Мероприятире ачасем Пушкин юмахĕсем тăрăх лартнă театрализациленĕ представлени курса савăннă.