Кăçалхи январь-июль уйăхĕсенче районти мĕнпур категориллĕ хуçалăхсенче пурĕ 1353,1 тонна аш-какай туса илнĕ. Вăл шутран ял хуçалăх предприятийĕсенче - 235,6 тонна, килти хушма хуçалăхсенче - 977,1, хресчен-фермер хуçалăхĕсенче - 140,4 тонна. Мĕнпур категориллĕ хуçалăхсенче сĕт туса илесси кăçал 14848,30 тоннăпа (пĕлтĕр ку тапхăрта 14618,05 тонна пулнă) танлашнă. Асăннă кăтартуран 2508,90 тонна сĕте ял хуçалăх предприятийĕсенче, 11987 тонна - килти хушма хуçалăхсенче, 352,4 тонна хресчен-фермер хуçалăхĕсенче сунă. Ял хуçалăх предприятийĕсемпе килти хушма хуçалăхсенче мăйракаллă шултра выльăх шучĕ пĕлтĕрхипе танлаштарсан чакнă. Хресчен-фермер хуçалăхĕсенче вара выльăх шучĕ ÿснĕ. Пĕлтĕр ку тап- хăрта 238 пуç пулнă пулсан, кăçал - 331 пуç мăйракаллă шултра выльăх шутланать. Районта лашасен шучĕ пĕлтĕрхи 31 пуçран 19 пуç кăна юлнă.