Çак кунсенче Шупашкарти 1-мĕш №-лĕ шкулта Раççей шкул ачисен юхăмĕн регионти уйрăмĕн республикăри слечĕ иртнĕ. Унта Чăваш Енри 24 вĕренÿ учрежденийĕнчи 150 вĕренекен хутшăннă. Мероприятире Элĕк вăтам шкулĕн маттурĕсем те хастарлăхпа палăрнă. Вĕсем 4 секцире ĕçленĕ: харпăр хăй аталанăвĕ, гражданла хастарлăх, информаципе медийлă тата çарпа патриот. Унсăр пуçне шкул ачисем 2017-2018 çулхи вĕренÿ çулĕнче иртекен паллă пулăмсемпе, проектсен партнерĕсемпе паллашнă. Хыççăн пурте пĕрле С.Семеновăн сценарийĕ тăрăх ÿкернĕ «Там, где тебя нет» фильм курса киленнĕ.