Районти культурăпа кану центрĕнче час-часах тĕрлĕрен мероприятисем иртеççĕ. Ноябрĕн 25-мĕшĕнче, акă, Амăшĕн кунĕ ячĕпе районти ятлă-сумлă хĕрарăмсене чысларĕç. Кусем – Элĕк больницин акушер-гинекологĕ Е. Трифонова, Элĕкри вăтам шкулта ĕçленĕ В. Михайлова, Т. Волкова ветеран-вĕрентекенсем, Мăн Вылă ял администрацийĕн пуçлăхĕ Н. Лаврентьева, Мăн Вылăри культура çурчĕн директорĕ А. Иванова тата Тури Вылăри библиотека ертÿçи З. Степанова пулчĕç.